Durante os anos 2010, 2011 e 2012, fixen para o Concello de Viana do Bolo os vídeos de presentación do acto de entrega da "Androlla de Ouro"; condecoración que concede este organismo como recoñecemento a diferentes persoas e entidades que se destacan polo seu traballo a prol do entroido vianés. 

O acto que se desenrolaba nas dependencias do Salón de Plenos do Concello, principiaba coa proxección dos vídeos da miña autoría, nos que se reflexaban as actividades realizadas por cada un dos galardoados, en referencia á súa relación co entroido e que foran motivo de ser recoñecidas mediante a imposición pública desta "androlla de ouro".